Ulytaý oblysynyń agro salasyna 4 mlrd teńgeden astam qarjy bólindi
Bıyl Ulytaý oblysynda 0,6 myń tonna kókónis daqyldary, 1,1 myń tonna kartop jáne 10,0 myń tonna dándi daqyldar jınaldy. Qysqy mal azyǵy úshin 539 myń tonna shóp, 4 myń tonna pishen jáne 40 myń tonna jemshóp daıyndaldy, dep habarlaıdy Kazinform.
Bul týraly Aýyl sharýashylyǵy vıtse-mınıstri Amanǵalı Berdalınniń jergilikti aýyl sharýashylyǵy taýarlaryn óndirýshilermen kezdesýde málim boldy.
Vıtse-mınıstrdiń aıtýynsha, aımaqtyń AÓK-ne 4,1 mlrd teńge bólindi. Onyń ishinde ósimdik sharýashylyǵyna – 61,8 mln. teńge, mal sharýashylyǵyna - 2,6 mlrd. teńge jáne qarjy quraldaryna-1,4 mlrd teńge. "Aýyl amanaty" baǵdarlamasy aıasynda Ulytaý fermerlerine 3,3 mlrd.teńge bólindi. Sonyń arqasynda aýyl turǵyndaryna 104 shaǵyn nesıe berildi. Sondaı-aq, óńirde 789 mln teńgege 4 ınvestıtsııalyq joba iske asyrylýda. 2024 jylǵa 3,6 mlrd teńgege 3 ınvestıtsııalyq jobany iske asyrý josparlanǵan.
Amanǵalı Berdalın jergilikti agrarshylardy erekshe mazalaıtyn sýbsıdııalar máselesin de aınalyp ótken joq.Sýbsıdııalardyń qoljetimdiligin arttyrý úshin AShM aýyl sharýashylyǵy taýarlaryn óndirýshiler úshin «kútý paraqtaryn» engizgen. Budan basqa, negizgi memlekettik aqparattyq bazalarmen ıntegratsııalanǵan tegin aqparattyq júıe sýbsıdııa alý protsesin jeńildetti.
Óz kezeginde fermerler vıtse-mınıstrden ónimniń eksporty men ımportyna qatysty jaǵdaı týraly surady. AShM basshysynyń orynbasary mınıstrlik ımportty azaıtý úshin óńirlerde SQO tájirıbesi boıynsha STF qurylysyna erekshe kóńil bólingenin túsindirip ótti. Amanǵalı Berdalın Aýyl sharýashylyǵy mınıstrligi men elimizdiń barlyq fermerlerine ettiń ózindik qunyn azaıtý úshin jumys isteý kerektigin, buǵan janýarlardy kútip-baǵýdyń jáne olardy azyqtandyrýdyń jańa tehnologııalary kómektesetinin aıtty.
Sondaı-aq, sharýalardy aımaqta veterınarlyq zerthananyń qurylýyna baılanysty máseleler tolǵandyratyn kórinedi. Vıtse-mınıstr QR agroónerkásiptik keshenin damytý tujyrymdamasy aıasynda Ulytaý oblysynda osyndaı zerthana ashý qarastyrylǵanyn atap ótti. Qazirgi ýaqytta mınıstrlik pen jergilikti atqarýshy organ arasynda ǵımarat satyp alý nemese qurylys máseleleri birlese pysyqtalýda.
Budan bólek, Amanǵalı Berdalın aýyl sharýashylyǵy janýarlarynyń ıelerine arnalǵan «TortTulik» mobıldi qosymshasy týraly halyqty aqparattandyrýdyń mańyzdylyǵyn atap ótti. Ol aýyl sharýashylyǵy janýarlarynyń bazasyn keńeıtýge kómektesedi, óıtkeni ár qojalyq ıesi, ol ShQ, JShS nemese JQSh bolsyn, óz mal basyn túgendeı alady. Osynyń arqasynda vetdárigerler veterınarlyq-profılaktıkalyq is-sharalardy ýaqytyly jáne tolyq kólemde júrgizýge múmkindik alady.