Ulytaý oblysyndaǵy shahtada apat bolyp, 7 adam tótenshe jaǵdaıda qaldy
JEZQAZǴAN. KAZINFORM – Ulytaý oblysy Jańaarqa aýdanynda ornalasqan «Qazaqmys korporatsııasy» JShS-nyń «Jomart» kenishinde apat boldy.
Resmı derekke qaraǵanda, shahtada taý massasy qulaǵan.
- Tótenshe jaǵdaı aımaǵynda shahtanyń 7 qyzmetkeri qaldy. Qazirgi ýaqytta «ASS Seriktes» JShS qutqarý bólimsheleri mamandary avarııalyq-qutqarý jumystaryn júrgizýde.
Apat ornyna Ulytaý jáne Qaraǵandy oblystary TJD kúshteri men quraldary, onyń ishinde kınologııalyq eseptoptar, Qazaqstan TJM Apattar medıtsınasy ortalyǵynyń medıtsına qyzmetkerleri men psıhologtary derek jiberildi, - dep jazdy TJM baspasóz qyzmetinen.
TJM Komandalyq ortalyǵy jáne Ulytaý oblysynyń TJD bazasynda jedel shtabtar jumys isteýde.
TJM-de «jedel jeli» telefonynyń jumysy uıymdastyryldy. Telefon nómiri: 8 (7271) 55-96-21. Oqıǵanyń mán-jaıy anyqtalýda.
Aıta keteıik, búgin Kostenko shahtasyndaǵy 46 kenshiniń qazasyna qatysty is sotqa joldandy.