Ulytaý oblysyndaǵy saılaý ýchaskelerinde saılaýshylar belsendiligi baıqalady
ULYTAÝ. KAZINFORM — Ulytaý oblysynda tańǵy saǵattardan bastap birqatar saılaý ýchaskelerinde turǵyndardyń belsendiligi baıqalýda. Quryltaı depýtattaryn saılaýǵa qatysýǵa kelgen azamattardan keıbir ýchaskelerde kezek paıda boldy.
Jezqazǵan, Sátbaev, Qarajal qalalarynyń, sondaı-aq Jańaarqa jáne Ulytaý aýdandarynyń turǵyndary saılaý ýchaskelerine otbasymen, dostarymen jáne áriptesterimen birge kelip jatyr. Saılaýshylar arasynda ártúrli býyn ókilderi, sonyń ishinde jastar men aǵa býyn ókilderi de bar.
Daýys berýdiń alǵashqy saǵattaryndaǵy turǵyndardyń belsendiligi azamattardyń eldegi qoǵamdyq-saıası úderisterge qyzyǵýshylyq tanytyp, ózderiniń saılaý quqyǵyn júzege asyrýǵa umtylysyn kórsetedi.
Ulytaý oblysynda daýys berý jalǵasyp jatyr.
