Ulytaý oblysyndaǵy Manadyr stantsııasynda jańa mektep salynyp jatyr
JEZQAZǴAN. KAZINFORM — Ulytaý oblysy Jańaarqa aýdanynyń Manadyr stantsııasynda memleketke qaıtarylǵan qarajattyń esebinen jańa mektep qurylysy qarqyndy júrgizilip jatyr, dep habarlaıdy Ulytaý oblysy ákimdiginiń baspasóz qyzmeti.
Qazirgi tańda 80 orynǵa arnalǵan bilim ordasynyń ekinshi qabatynyń qurylysy aıaqtalyp, birinshi qabatyna terezeler ornatyldy.
— Іshki árleý jumystary júrgizilip jatyr. Sonymen qatar, jylý batareıalary qoıylyp, santehnıkalyq jumystar tolyq aıaqtaldy. Qurylys materıaldarynyń qory jetkilikti, — delingen oblystyq ákimdiktiń habarlamasynda.
Jańa mektep zamanaýı bilim berý standarttaryna saı jabdyqtalyp, jyl sońyna deıin paıdalanýǵa berilýi josparlanyp otyr.
Aıta keteıik, Úkimet turǵyndardyń ótinishin eskere otyryp, osy jyldyń basynda Manadyr stantsııasynda jańa mektep salý týraly sheshim qabyldaǵan bolatyn.
Jobaǵa «Zańsyz alynǵan múlikti memleketke qaıtarý týraly» arnaıy memlekettik qordan 1,2 mlrd teńge bólindi.