Ulytaý oblysyndaǵy Qarajal qalasyna 1 mlrd teńge ınvestıtsııa salynbaq

JEZQAZǴAN. KAZINFORM — Ulytaý oblysy men «Qarmet» AQ arasynda Qarajal qalasyna qosymsha qarajat baǵyttaýdy kózdeıtin memorandým jasaý josparlanyp otyr. Bul týraly Ulytaý oblysynyń ákimi Dastan Ryspekov Qarajal qalasynyń turǵyndarymen kezdesý barysynda málimdedi.

Ұлытау облысындағы Қаражал қаласына 1 млрд теңгеге жуық инвестиция салынбақ
Фото: Ұлытау облыстық әкімдігі

Kelisim aıasynda qalanyń áleýmettik jáne ınfraqurylymdyq damýyna 1 mıllıard teńgege jýyq qarajat jumsalady. Jobanyń negizgi baǵyttary – medıtsına, bilim berý, kommýnaldyq qyzmetter jáne sport salalaryn qoldaý.

Ulytaý oblysyndaǵy Qarajal qalasyna 1 mlrd teńgege jýyq ınvestıtsııa salynbaq
Foto: Ulytaý oblystyq ákimdigi

Medıtsınalyq qyzmetkerlerge qoldaý

Qarajal qalasynyń aýrýhanasynda jumys isteıtin bes medıtsınalyq qyzmetkerge aı saıyn 200 myń teńge mólsherinde qosymsha tólem beriledi. Sondaı-aq, osy sala mamandaryna bir rettik 1 mıllıon teńge kóleminde kóterme járdemaqy tóleý qarastyrylǵan.

Bilim berý jáne kommýnaldyq ınfraqurylymǵa ınvestıtsııa

Qaladaǵy «Balbóbek» balabaqshasynyń ǵımaratyn kúrdeli jóndeý «Qarmet» AQ-nyń qoldaýymen júzege asyrylady. Sonymen qatar, Qarajal qalasy ákimdiginiń kommýnaldyq mekemesi úshin arnaıy tehnıka satyp alý kózdelgen.

«Batys Qarajal» ken ornyn damytý jobasy

Memorandým aıasynda «Batys Qarajal» ken ornyn damytý jobasy boıynsha birneshe shara iske asyrylady. Atap aıtqanda, qyzmetkerlerdi ornalastyrý úshin ıesiz dep tanylǵan ǵımaratty kúrdeli jóndeýden ótkizý máselesi qarastyrylady. Sonymen birge, jeke menshik ıesinen «Novyı Klych» sý qoımasyn satyp alý múmkindigi zerdelenbek.

Áleýmettik kómek jáne sportty damytý

Qala turǵyndarynyń áleýmettik osal toptaryna kómir satyp alý josparlanǵan. Sondaı-aq, kóp qabatty turǵyn úıler úshin kómirmen qamtamasyz etý máselesi sheshilmek. Buǵan qosa, aımaqtaǵy «Ulytaý» fýtbol klýbyn qosymsha qarjylandyrý qarastyrylyp otyr.

Bul memorandým Qarajal qalasynyń áleýmettik-ekonomıkalyq damýyna eleýli úles qospaq. Qala turǵyndary úshin jańa múmkindikter ashylyp, ómir sapasy jaqsarady dep kútilip otyr.

 

Сейчас читают