Ulytaý oblysyndaǵy Qarajal qalasy eki kúnnen beri jaryqsyz otyr

JEZQAZǴAN. KAZINFORM — Qarajal qalasynyń turǵyndary eki kúnnen beri jaryqsyz qaldy. Úılerdiń kópshiligi elektrsorǵymen jumys isteıtin peshpen qyzatyndyqtan, turǵyndar jylýǵa da zárý bolyp otyr. Tipti keıbir úılerdiń jylytý júıesi qatyp, jarylyp jatyr. Bul týraly óńir ákimdigi málim etti. 

Ulytaý oblysy ákimdiginiń málimetinshe, 17 jeltoqsan kúni saǵat 9:50–de aýa raıynyń qolaısyzdyǵyna baılanysty elektr júıesinde apat bolǵan. 

— Búgin tańǵy 5:00–ke deıin elektrık mamandar apatty elektr júıesin qalpyna keltirý úshin jumys istedi. Qazir 385 abonent jaryqsyz qalyp otyr. Onyń ishinde ákimdik, Qazposhta, Mádenıet úıi sondaı-aq № 1 orta bilim berý mektebi de bar, — dedi oblys ákiminiń orynbasary Ulantaı Úsenov. 

Eske sala keteıik, buǵan deıin Ulytaý oblysyndaǵy Qarajal qalasyna 1 mlrd teńge ınvestıtsııa salynatynyn jazǵan edik.