Ulytaý oblysynda jol erejesin óreskel buzǵan 8 júrgizýshi jaýapqa tartyldy
ASTANA. KAZINFORM – Ulytaý oblysynda jol qozǵalysy erejesin óreskel buzǵan jas júrgizýshiler ákimshilik jaýapkershilikke tartyldy, dep habarlaıdy oblystyq polıtsııa departamenti.
Polıtsııa departamenti jedel basqarý ortalyǵynyń kezekshi ofıtserleri beınebaqylaý kameralary arqyly qala kóshelerine monıtorıng júrgizý kezinde birqatar jol erejesin buzý deregin anyqtady.
Tekserý nátıjesinde quqyq buzýshylyq jasaǵan 8 jas júrgizýshi belgili boldy.
– Olar jol qozǵalysy erejesin buzyp, basqa júrgizýshilerge qaýip tóndirgen jáne avarııalyq jaǵdaı týǵyzǵan. Barlyq júrgizýshi zańnamaǵa sáıkes ákimshilik jaýapkershilikke tartyldy, – delingen habarlamada.
Polıtsııa jol qaýipsizdigin qamtamasyz etý baǵytyndaǵy jumystar táýlik boıy júrgizilip jatqanyn atap ótti. Jol qozǵalysy erejelerin óreskel buzýdyń árbir deregi boıynsha zań aıasynda tıisti shara qabyldanady.
– Azamattardy, ásirese jas júrgizýshilerdi, jol qozǵalysy erejelerin qatań saqtaýǵa, óz ómiri men ózge de jol qozǵalysyna qatysýshylardyń qaýipsizdigine jaýapkershilikpen qaraýǵa shaqyramyz, – dep málimdedi vedomstvodan.
Aıta keteıik, Qyzylordada jol erejesin óreskel buzýdyń 1300-den astam deregi tirkeldi.
