Ulytaý oblysynda jylqylar neden qyryldy
JEZQAZǴAN. KAZINFORM – 1 naýryz kúni QR Aýyl sharýashylyǵy mınıstrliginiń mal sharýashylyǵy departamenti dırektorynyń mindetin atqarýshy B.Aımurzaev pen atalǵan mınıstrliktiń Veterınarlyq baqylaý men qadaǵalaý komıteti bıologııalyq qaýipsizdik basqarmasynyń jetekshisi M.Muhtarov jylqylardyń qyrylý sebebin anyqtaý úshin Ulytaý oblysyna keldi.
Jańarqa aýdanyna kelgen delegatsııa ókilderi mynadaı málimetterden habardar boldy. 2023 jyldyń jeltoqsanynda jáne 2024 jyldyń aqpanynda aýa temperatýrasy tómendep, jaıylymdyq jerlerde muz qatyp, jylqylardyń jaıylýy qıyndaǵan. Sonyń saldarynan jas jáne kári maldar qyrylyp qaldy. Aýyl sharýashylyǵy janýarlaryn birdeılendirýdiń málimetter bazasyna sáıkes, aýdanda 84,2 myń bas jylqy bar.
Jańaarqa aýyly men Qarajal qalasy arasyndaǵy joldan 23 jylqynyń óligi tabyldy. Olarda birdeılendirý nómirleri bolmaǵan jáne jylqylar birdeılendirý bazasynda da joq bolyp shyqty. Janýarlardyń ólikteri arnaıy orynǵa jetkizildi.
Buǵan qosa, Jańaarqa aýdanynda birdeılendirý nómiri joq 44 jylqy anyqtaldy. Osylaısha, ólgen 67 jylqynyń birdeılendirý nómiri joq bolyp shyqty. Osyǵan qaraı olardyń ıelerin de anyqtaý múmkin bolmaı otyr. Al veterınarlyq stantsııalarǵa jylqylardyń ólgeni týraly resmı shaǵym túspegen.
«Ulytaý oblysynda 2 myń bas jylqynyń jáne Jańaarqa aýdanyndaǵy jylqylardyń teń jartysy qyrylǵany týraly málimet rastalǵan joq. Qazirgi tańda quzyrly organ ókilderi jylqylardyń ólikterin taýyp, olardy joıý jumystaryn júrgizip jatyr. Jaǵdaı Ulytaý oblysyndaǵy aýdandyq aımaqtyq ınspektsııalardyń baqylaýynda»,-delingen habarlamada.
