Ulytaý oblysynda jańa Konstıtýtsııa jobasy týraly pikirtalas ótti
JEZQAZǴAN. KAZINFORM — Ulytaý oblysynyń ákimi Dastan Ryspekovtiń tóraǵalyǵymen «Ádiletti Konstıtýtsııa – qýatty memleket» atty jıyn ótti. Kezdesý barysynda konstıtýtsııalyq reformalardyń máni men mańyzy jan-jaqty talqylandy.
Óńir basshysy aldymen 15 naýryzdaǵy respýblıkalyq referendýmnyń el bolashaǵy úshin tarıhı mańyzyn atap ótti. Sonymen qatar 13 aqpannan bastap óńirde «Ádil, progressıvti Qazaqstannyń Halyqtyq Konstıtýtsııasy úshin!» óńirlik koalıtsııasy jumysyn bastaǵany aıtyldy. Koalıtsııa quramyna bes saıası partııa fılıaly — Amanat, Qazaqstan Halyq partııasy, Aýyl, Aq jol, Respublika, sondaı-aq kásipodaq uıymdary, ardagerler keńesi men qoǵamdyq birlestikterdiń ókilderi engen.
Otyrysqa qatysýshylar konstıtýtsııa jobasyna engizilgen ózgeristerdiń quqyqtyq negizderi týraly baıandama jasady. Búginde oblysta referendýmǵa qatysty keshendi aqparattyq naýqan belsendi júrgizilip otyr.
Jıyn barysynda jańa Konstıtýtsııa jobasynyń ashyq ári jarııa talqylaýdan ótkenine erekshe nazar aýdaryldy. Árbir azamattyń óz pikirin bildirý múmkindigi zańdylyqty nyǵaıtyp, zamanaýı talaptarǵa saı sheshimder qabyldaýǵa jol ashqany aıtyldy.
Kezdesý sońynda oblys ákimi konstıtýtsııalyq reformalardyń tabysty júzege asýy qoǵamdyq kelisim men ár azamattyń belsendi ustanymyna baılanysty ekenin atap ótip, jıynǵa qatysýshylarǵa alǵys bildirdi.
