Ulytaý oblysynda qaldyqtardy qaıta óńdeıtin tseh salynady
ASTANA. KAZINFORM — Ulytaý oblysynda qaǵaz, plastık jáne rezeńke óńdeý tsehyn jáne qatty turmystyq qaldyqtar polıgonyn salý josparlanyp otyr. Bul týraly Úkimet otyrysynda oblys ákimi Dastan Rysbekov málimdedi.
Onyń aıtýynsha, jalpy quny 840 mln teńgeni quraıtyn jobany jeke ınvestor júzege asyrýǵa nıetti. Ol óz qarajatynan 134 mln teńge bóledi jáne Ónerkásipti damytý qory maquldaǵan lızıngtik qarjylandyrý sheńberinde 705 mln teńge tartady.
Qazirgi ýaqytta jobany iske asyrý úshin oblys basshylyǵy aýdany 16 ga jer telimin bóldi. Sondaı-aq sýdy paıdalanýǵa jáne elektrmen jabdyqtaýǵa arnalǵan tehnıkalyq sharttar berildi. Jańa keshen jylyna 50 myń tonnaǵa deıin qaldyqtardy qaıta óńdep, kádege jarata alady dep kútiledi. Bul óńirdegi ekologııalyq jaǵdaıdy edáýir jaqsartady.
Eske sala keteıik, Úkimet otyrysynda Oljas Bektenov turmystyq jáne óndiristik qaldyqty qaıta óńdeý salasyn synǵa alǵan bolatyn.