Ulytaý oblysynda zańsyz óndirilgen marganets quny 950 mln teńgeden asty
ASTANA. KAZINFORM – Qarjylyq monıtorıng agenttiginiń Ulytaý oblysy boıynsha departamenti Qarajal qalasyndaǵy «Vostochnyı» kareri aýmaǵynda marganets kenin zańsyz óndirýdi uıymdastyrǵan adamdar tobynyń áreketin toqtatty.
Kúdiktiler zańsyz ken óndirý úshin aýyr karer tehnıkasyn — ekskavatorlar, tıegishter men samosvaldardy paıdalanǵan. Karer aýmaǵynda óndiristik baza jabdyqtalyp, onda óndirilgen shıkizat usaqtaý-jýý kesheni arqyly óńdelgen.
Keıin ken júk avtokólikterimen tıisti qujattardy paıdalana otyryp, el aýmaǵynan tys jerge shyǵarylǵan.
-Nátıjesinde satylǵan marganets keniniń kólemi 4 myń tekshe metrden asyp, onyń quny 950 mln teńgeden asady. Tergeý jalǵasyp jatyr. Ózge aqparat QR QPK-niń 201-babyna sáıkes jarııa etýge jatpaıdy,-delingen habarlamada.
Osyǵan deıin Túrkistanda 94 zańsyz qurylys nysany anyqtaldy.
