Ulytaý oblysynda zańsyz aınalymnan 160 keliden astam esirtki zattary tárkilendi

JEZQAZǴAN. KAZINFORM – Oblys prokýratýrasy ózge de quqyq qorǵaý organdarymen birlesip, esirtki zattarynyń zańsyz aınalymyn anyqtaý jáne jolyn kesý boıynsha maqsatty jumys júrgizip jatyr. Bul týraly Bas prokýratýranyń baspasóz qyzmeti habarlady. 

2025 jyly zańsyz aınalymnan 160 kg astam esirtki zattary tárkilenip, oblys aýmaǵyna esirtki jetkizýdiń 3 óńirlik arnasy toqtatyldy. 

Osylaısha 7 tamyzda oblys prokýratýrasynyń úılestirýimen Jezqazǵan, Sátbaev qalalary men Keńgir kenti aýmaǵynda keń aýqymdy jedel-izdestirý is-sharalaryn júrgizý barysynda asa iri mólsherde esirtki zattaryn saqtaý jáne satý faktisi boıynsha 7 tulǵa ustalyp, olardan 100 kg astam esirtki zattary tabylyp, tárkilendi.

Budan bólek, Sátbaev qalasynda «G» esimdi azamatsha ustalyp, odan 600 gr astam sıntetıkalyq esirtki tabyldy. Oǵan esirtki Qaraǵandy qalasynan taksı arqyly jetkizilgen jáne sońǵy oblys aýmaǵynda «zakladka» tásilimen ótkizip otyrǵan. 

Esirtki saýdasymen aınalysatyn ınternet-dúkenderdiń qyzmetin álsiretý maqsatynda 2 870 bank esep shoty buǵattalyp, jalpy somasy 92 mln teńgeden astam aqsha qarajatyna tyıym salyndy. 

Buǵan deıin Qaraǵandyda iri kólemdegi esirtki arnasy áshkerelengenin jazǵan edik.