Ulytaý oblysynda sottalǵandardy azaptaǵan túrme qyzmetkerleriniń ústinen is qozǵaldy
JEZQAZǴAN.KAZINFORM – Ulytaý oblysy prokýratýrasynyń Sotqa deıingi tergep-tekserý basqarmasy QR ІІM Qylmystyq-atqarý júıesi komıtetiniń Qaraǵandy jáne Ulytaý oblysy boıynsha №62 Mekeme men QR Ulttyq ulan №6505 áskerı bóliminiń qyzmetkerlerine qatysty azaptaý faktisi boıynsha sotqa deıingi tergeý aıaqtaldy. Bul týraly QR Bas prokýratýrasy málimdedi.
«Mekemeniń 7 jáne Áskerı bólimniń 4, jalpy 11 qyzmetkeri № 62 mekemesinde jazasyn ótep jatqan 11 sottalǵandy kemsitý, ózge de sottalǵandardy qorqytý maqsatynda kúsh qoldaný arqyly olardy azaptaǵandyǵy anyqtaldy» — delingen habarlamada.
Laýazymdy tulǵalar jasaǵan qylmystyq quqyq buzýshylyqtaryn jasyrý maqsatynda sottalǵandardy Mekeme jáne Áskerı bólim qyzmetkerlerine baǵynbaýshylyq jasaǵandyǵy týraly joǵary turǵan basshylyryna baıandaǵan.
«Tergeý barysynda kúdiktilerge bultartpaý sharalary qoldanylyp, tergeý sotymen olar laýazymdarynan ýaqytsha shettetildi. 26 naýryz kúni qylmystyq is sotqa joldandy. QR Konstıtýtsııanyń 77-babynyń 3-tarmaǵynyń 1-tarmaqshasyna jáne Qylmystyq-protsestik kodekstiń 19-babynyń 1-bóligine sáıkes qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi» — dep habarlady prokýratýra.
