Ulytaý oblysynda tórt kúdiktiden 23 kıiktiń ushasy tabyldy
ASTANA. KAZINFORM – Ulytaý oblysynda brakonerlikpen aınalysty degen kúdikpen tórt adam ustalyp, olardyń kólikterinen 23 janýardyń ushasy tabyldy, dep habarlaıdy Polıtsııa departamenti.
Zańsyz ań aýlaý deregi «Brakoner» jedel-profılaktıkalyq is-sharasy barysynda anyqtalǵan. Polıtsııa qyzmetkerleri men «Ohotzooprom» ınspektorlary birlesken reıd ótkizgen.
Ulytaý aýdanynyń Mıbulaq aýyldyq okrýgi aýmaǵynda tártip saqshylary eki avtokólikti toqtatyp, tekserý júrgizdi.
– Tekserý barysynda kólikterden aldyn ala málimet boıynsha kıik bolýy múmkin 23 janýardyń ushasy, 21 basy jáne 46 múıizi tabyldy. Sondaı-aq eki tegis uńǵyly atys qarýy, 12 kalıbrli patrondar, eki pyshaq, eki ara jáne radıostantsııa tárkilendi, – delingen polıtsııa habarlamasynda.
Eki avtokólik te arnaıy turaqqa qoıyldy.
Atalǵan derek boıynsha sotqa deıingi tergeý bastaldy. Tergeý qorytyndysy boıynsha kúdiktilerdiń áreketine quqyqtyq baǵa berilmek.
Aıta keteıik, Almaty oblysynda 260 keli balyqty zańsyz aýlaǵan brakonerler sottaldy.
