Ulytaý oblysynda «Taza Qazaqstan» aktsııasy aıasynda jalpyoblystyq senbilik ótti
JEZQAZǴAN. KAZINFORM – Ulytaý oblysynda Memleket basshysynyń bastamasymen júzege asyp jatqan «Taza Qazaqstan» respýblıkalyq ekologııalyq aktsııasy aıasynda keń aýqymdy «Taza aýla» jalpyoblystyq senbiligi uıymdastyryldy.
Іs-shara barysynda óńirde tazalyq jumystarymen qatar, aǵash egý jáne kógaldandyrýǵa erekshe basymdyq berildi. Eldi mekenderdiń sanıtarlyq jaǵdaıyn jaqsartý, qorshaǵan ortany qorǵaý jáne turǵyndar úshin jaıly orta qalyptastyrý baǵytynda júıeli jumystar júrgizildi.
Senbilikke Ulytaý oblysynyń ákimi Dastan Ryspekov te arnaıy qatysyp, óńir turǵyndarymen birge tazalyq jumystaryna, aǵas egý isine atsalysty. Bul – qorshaǵan ortaǵa janashyrlyq tanytyp, qoǵamda ekologııalyq mádenıetti qalyptastyrýdyń mańyzdy úlgisi boldy.
Jalpy senbilikke 175 ujym men 3 500-ge jýyq azamat belsendi túrde qatysyp, 62 arnaıy tehnıka jumyldyryldy. Nátıjesinde 228 qýraǵan aǵash butalyp, 5 300-ge jýyq jasyl jelek otyrǵyzyldy.
Atalǵan shara óńirde ekologııalyq ahýaldy jaqsartýǵa jáne buqaralyq ekologııalyq mádenıetti nyǵaıtýǵa baǵyttalǵan jumystardyń jalǵasy bolyp tabylady. Aldaǵy ýaqytta da «Taza Qazaqstan» aktsııasy aıasyndaǵy is-sharalar júıeli túrde jalǵasyn tabady.
