Ulytaý oblysynda «Tasbulaq» demalys orny ashyldy
JEZQAZǴAN. KAZINFORM – Ulytaý aýdanynda «Tasbulaq» demalys orny resmı túrde paıdalanýǵa berildi.
Ulytaý oblystyq ákimdigi baspasóz qyzmetiniń málimetinshe, joba Memleket basshysynyń tapsyrmasyna sáıkes týrıstik ınfraqurylymdy damytý maqsatynda «Qazaqmys» korporatsııasynyń qoldaýymen júzege asyp otyr.
Saltanatty is-sharaǵa oblys ákiminiń orynbasary Jánibek Nópirov qatysyp, nysannyń ashylýymen quttyqtady.
Sondaı-aq mundaı erekshe demalys ornynyń mańyzdylyǵyn atap ótip, aýdan turǵyndary men qonaqtary úshin taptyrmas demalys orny bolatynyn jetkizdi.
Demalys ornynyń aýmaǵy – 600 sharshy metrden astam. Atalǵan orynda jasyl jelekter, aǵashtar otyrǵyzylyp, tolyq abattandyrylǵan. Sonymen qatar Ulytaýdyń tarıhyn aıqyndaıtyn belgi tas ornatylǵan.
