Ulytaý oblysynda taǵy bir jańa veterınarııalyq pýnkt paıdalanýǵa berildi
JEZQAZǴAN. KAZINFORM — Jańaarqa aýdanynyń Muqajan Jumajanov atyndaǵy aýylynda zamanaýı modýldik veterınarııalyq pýnkttiń ashylý rásimi ótti.
Jalpy aýmaǵy 68 sharshy metrdi quraıtyn jańa ǵımarat veterınarııalyq qyzmet kórsetýge qajetti barlyq jaǵdaımen qamtamasyz etilgen. Nysan tolyq jıhazben jabdyqtalyp, kondıtsıoner ornatylǵan jáne órt qaýipsizdigi júıesimen qamtylǵan.
Bul nysan — Ulytaý oblysynda bıyl paıdalanýǵa berilgen 22 modýldik veterınarııalyq pýnkttiń biri. Qazirgi tańda 2026 jylǵa josparlanǵan barlyq veterınarııalyq nysandardyń qurylysy tolyq aıaqtalyp, memlekettik veterınarııalyq uıymdardyń teńgerimine ótkizildi.
Aıta keteıik, Ulytaý oblysy veterınarııalyq pýnktterdiń qurylysyn alǵash bolyp tolyq aıaqtaǵan óńir atandy.
Bıyl jalpy quny 570 mıllıon teńgeni quraıtyn 22 veterınarııalyq nysan salynsa, 2027 jyly 836,5 mıllıon teńgege taǵy 31 veterınarııalyq pýnkttiń qurylysyn júzege asyrý josparlanyp otyr.
