Ulytaý oblysynda isker áıelder keńesiniń birinshi otyrysy ótti
Ulytaý oblysynda «Atameken» atalǵan oblystyń Óńirlik kásipkerler palatasy qurǵan isker áıelder keńesiniń birinshi otyrysy ótti. Kásipkerliktiń san alýan túrlerimen aınalysatyn áıelder tájirıbe almasý jáne bolashaq josparlaryn talqylaý úshin jınaldy, dep habarlaıdy Kazinform.
Іs-sharanyń moderatory Ulytaý Óńirlik kásipkerler palatasynyń tóraǵasy Gúlmıra Qajenova boldy.
Іs-shara spıkerleri: «ASMAR» Qazaqstan Ulttyq kásipker áıelder qaýymdastyǵy tóralqasynyń tóraǵasy, «Atameken» UKP Іsker áıelder keńesiniń tóraǵasy Lázzat Ramazanova, Qaraǵandy oblysy boıynsha SDJ tóraǵasy Gúlııa Jáńgirova, «PIK ıÝtarııa ltd» JShS, «Uly Dala» JShS kompanııasynyń bas dırektory Sáýle Shaýenova, «ıÝtarııa Ltd» JShS dırektory Tursynaı Ibadatova, «Damý» KDQ AQ baǵdarlamalardy ilgeriletý jónindegi bas menedjeri Jazıra Arystanova, bodıbıldıng jáne fıtnes federatsııasynyń dırektory, Qazaqstan mas-restlıng federatsııasynyń dırektory, «Fitness Body Club» fıtnes klýbynyń ıesi, dırektory Gúlnara Zagırova, bıznestegi áıelderdi qoldaý sharalary jáne áıelder kásipkerliginiń mańyzdy róli týraly aıtty.
Bıznes-hanymdar óz bilimderin jas kásipkerlermen bólisti, al jańa býyn ınternet arqyly satýdyń ınnovatsııalyq ádisterin usyndy. Bul is-shara Ulytaý oblysynyń tabysty áıelderin oqytý, qoldaý jáne bızneste ózara is-qımyl jasaý úshin tamasha múmkindik boldy.
Іsker áıelder keńesiniń mıssııasy – áıelderdiń kásipkerlik qyzmetin qoldaý jáne damytý, sondaı-aq olardyń ekonomıkalyq belsendiligin yntalandyrý.
«Kóshbasshylyq qasıetterdi damytý, bilim berý jáne trenıngtik baǵdarlamalarǵa qol jetkizý, áıelderge kásipkerlik qyzmette óz áleýetin iske asyrýǵa kómektesý, perspektıvaly bıznes – ıdeıalardy, jobalardy qoldaý –SDJK-niń negizgi baǵyttary. Keńes bıznesti damytýdyń ártúrli kezeńderinde jańa jobanyń bastalýynan bastap qoldanystaǵy bıznesti keńeıtýge deıin saraptamalyq qoldaý men keńes berýge daıyn. Biz tabystyń negizgi faktorlarynyń biri aqparat pen resýrstarǵa qol jetkizý ekenin túsinemiz. Sondyqtan isker áıelder arasynda baılanys jelilerin qurýǵa jáne tájirıbe almasýǵa járdemdesýge tyrysamyz», – dep atap ótti Gúlmıra Izatýllaqyzy.
Іs-shara barysynda isker áıelder kásipkerliginiń ıdeıalary men múddelerin jańa deńgeıge kóterýge arnalǵan taqyryptyq forýmdar men is-sharalardy ótkizýdi talqylady. Sondaı-aq ashyq daýys berý ádisimen Ulytaý oblysy boıynsha SDJ jańa tóraǵasy bolyp Gúlmıra Izatýllaqyzy saılandy. Osyǵan deıin bul qyzmetti Maral Tileýjanova atqarǵan bolatyn.
