Ulytaý oblysynda shahtanyń opyrylýyna baılanysty úkimettik komıssııa quryldy
ASTANA. KAZINFORM – Komıssııany Premer-mınıstrdiń orynbasary Qanat Bozymbaev basqardy.
- Premer-mınıstr Oljas Bektenovtiń tapsyrmasy boıynsha Ulytaý oblysy Jańaarqa aýdanynda shahtanyń opyrylýynyń sebepterin anyqtaý jáne zardap shekkenderge kómek kórsetý úshini arnaıy komıssııa quryldy, - delingen habarlamada.
Komıssııany Premer-mınıstrdiń orynbasary Qanat Bozymbaev basqardy. Vıtse-premerge memlekettik organdar men uıymdardyń jumysyn úılestirý úshin oqıǵa ornyna shuǵyl barý tapsyryldy.
Esterińizge sala keteıik, búgin saǵat 16:50-de Ulytaý oblysyndaǵy shahtada apat bolyp, 7 adam tótenshe jaǵdaıda qaldy.
Oqıǵa ornyna jedel járdem brıgadalary jóneltildi. Kabelderdiń úzilýine baılanysty jumysshylarmen baılanys joq. Shahtada qalǵan jumysshylardyń tizimi belgili boldy.