Ulytaý oblysynda shahtadaǵy jumysshynyń ólimi boıynsha qylmystyq is qozǵaldy

QARAǴANDY. KAZINFORM - Sátpaev qalasynyń mańyndaǵy «Annenskaıa» shahtasynda qaıǵyly oqıǵa saldarynan untaqtaýshy mert boldy. Polıtsııa atalmysh derek boıynsha qylmystyq is qozǵady, dep habarlaıdy Kazinform agenttiginiń tilshisi.

Ulytaý oblysynyń polıtsııa departamentinen habarlaǵandaı, «Annenskaıa» shahtasynda jumysshynyń ólimi boıynsha qylmystyq is qozǵaldy.

«Sátbaev qalasynyń polıtsııa bólimi «Annenskaıa» shahtasynda óndiristik jaraqat alý faktisi boıynsha Qazaqstan Respýblıkasy Qylmystyq kodeksiniń 156-baby, 3-bóligi (Eńbekti qorǵaý erejelerin buzý, abaısyzda adam ólimine ákep soqtyrǵan) boıynsha qylmystyq is qozǵady», - dep habarlaıdy Ulytaý oblysy Polıtsııa departamentiniń baspasóz qyzmeti.

Oqıǵa ornynda jedel-tergeý toby men Ulytaý oblysy polıtsııa departamentiniń basshylyǵy bar, oqıǵa ornynda tekserý men tergeý áreketteri júrgizilýde. Tergeý barysy departament basshylyǵynyń baqylaýynda.

Esterińizge sala keteıik, osyǵan deıin «Qazaqmys» kompanııasyna qarasty «Annenskaıa» shahtasynda qaıǵyly oqıǵa bolǵany týraly habarlaǵan edik.