Ulytaý oblysynda respýblıkalyq mańyzy bar joldar jabyldy

ASTANA. KAZINFORM — Aýa raıynyń buzylýy saldarynan Ulytaý óńirinde kólik qozǵalysy shekteldi, dep habarlaıdy «QazAvtoJol» UK baspasóz qyzmeti.

2026 jylǵy 6 aqpan saǵat 15:30–da aýa raıynyń buzylýyna baılanysty respýblıkalyq mańyzy bar kelesi avtojoldarda barlyq kólik túriniń qozǵalysyna ýaqytsha shekteý engizildi: 

— «Jezqazǵan — Arqalyq — Petropavl» avtojolynyń 24-137 shaqyrym aralyǵy (Sátbaev qalasy — Ulytaý aýyly);

— «Qyzylorda — Jezqazǵan — Qaraǵandy — Shiderti» avtojolynyń 433-750 shaqyrym aralyǵy (Jezqazǵan qalasy — Jańaarqa kenti).

Joldy 2026 jylǵy 6 aqpan saǵat 21:00–de ashý josparlanǵan.

Aıta keteıik, 1403 baılanys ortalyǵyna habarlasyp, táýlik boıy qosymsha aqparat alýǵa bolady. 

Budan buryn Astana áýejaıynda aýa raıyna baılanysty 12 reıs keshigip jatqanyn jazǵan bolatynbyz.