Ulytaý oblysynda «Rámizder rýhy — Konstıtýtsııa kúshi» atty saltanatty Tý kóterý rásimi ótti

Aıryqsha mánge ıe merekelik is-sharaǵa oblys ákimi, memlekettik organdardyń basshylary, máslıhat depýtattary, qoǵam qaıratkerleri, jastar uıymdarynyń ókilderi, áskerı qyzmetshiler, eńbek ardagerleri men qala turǵyndary qatysty.

Saltanatty rásim barysynda Qazaqstan Respýblıkasynyń Memlekettik Týy kókke kóterilip, Memlekettik Ánuran asqaqtaı shyrqaldy. Jınalǵan qaýymdy Memlekettik rámizder kúnimen quttyqtaǵan oblys ákimi Dastan Ryspekov Táýelsiz Qazaqstannyń basty nyshandary sanalatyn Memlekettik Tý, Eltańba jáne Ánurannyń el birligi men ulttyq rýhty nyǵaıtýdaǵy tarıhı mańyzyna erekshe toqtaldy.

— Bıylǵy merekeniń taǵylymdyq máni tereń. Jalpyulttyq referendýmda qabyldanǵan Ata Zańymyzdyń mańyzyn aıshyqtaý maqsatynda bul kún «Rámizder rýhy — Konstıtýtsııa kúshi» taqyrybymen ótip otyr. Memlekettik Tý, Eltańba jáne Ánuran — jaı ǵana resmı belgiler emes, olar — Táýelsizdigimizdiń tuǵyry, el birliginiń aıǵaǵy, zań ústemdigi men ádiletti qoǵamnyń sımvoly, — dedi Ulytaý oblysynyń ákimi Dastan Ryspekov.

Merekelik shara aıasynda qazaqstandyq estrada juldyzdary óner kórsetip, turǵyndarǵa kóterińki kóńil-kúı syılady. Patrıottyq ánder shyrqalyp, kópshilikke arnalǵan mazmundy mádenı baǵdarlama uıymdastyryldy.