Ulytaý oblysynda iri esirtki jetkizý arnasy joıyldy
ASTANA.KAZINFORM - Іshki ister mınıstrligi «Zań men Tártip» qaǵıdaty boıynsha jumysty jalǵastyryp jatyr.
Esirtki qylmysyna qarsy is-qımyl bólinisiniń qyzmetkerleri Ulytaý oblysynda iri esirtki jetkizý arnasyn joıdy. Ol eldiń ońtústik aımaǵynan uıymdastyrylǵan, - dep habarlaıdy Polisia.kz.
- Jezqazǵan - Qaraǵandy avtojolynda esirtki tasymaldaýǵa qatysy bar bes adam ustaldy. Kúdiktiler marshrýtty baqylaǵan. Kólikti tekserý kezinde 13 paket tárkilendi. Onda 300 keliden astam marıhýana bolǵan. Aldyn ala málimetke sáıkes tárkilengen esirtki mıllıonǵa jýyq bir rettik dozaǵa teń. Onyń qara naryqtaǵy quny úsh mıllıon AQSh dollaryna jetedi. Kúdiktiler ýaqytsha ustaý ızolıatoryna qamaldy. Іshki ister mınıstrligi esirtkini óndirý men taratý boıynsha kez kelgen zańsyz árekettiń jolyn kesedi. Bul baǵyttaǵy jumys jalǵasýda, - dedi ІІM esirtki qylmysyna qarsy is-qımyl komıtetiniń tóraǵasy Danııar Meıirhan.
Aıta keteıik, jyl basynan beri esirtki jetkizýdiń 11 halyqaralyq jáne 3 óńirlik arnasynyń joly kesildi, 5 jasyryn zerthananyń qyzmeti zalalsyzdandyryldy.