Ulytaý oblysynda polıtsııa adasyp ketken eki azamatty aman-esen tapty
Ulytaý oblysynda eki kúnge sozylǵan izdestirý jumystarynyń nátıjesinde polıtsııa qyzmetkerleri dalada adasyp ketken eki azamatty tapty.
Polisia.kz aqparattyq portalynyń málimetinshe, 19 tamyzda Ulytaý aýdandyq polıtsııa bólimine eki azamattyń kólikteri synyp, baılanyssyz qalǵany týraly habar túsken. Týystary kómek suraǵan soń birden jedel izdestirý is-sharalary bastaldy.
Іzdestirý tobyna jergilikti jer jaǵdaıyn jaqsy biletin tájirıbeli qyzmetkerler tartyldy. Olardyń qatarynda polıtsııa kapıtany Nursultan Baıbolovtyń basshylyǵymen maıor Temirlan Úmbet, kapıtan Nurbol Aqbergenov, aǵa leıtenant Serik Medet jáne serjanttar Baryshan Qylybekuly men Aıdyn Seıtjappar boldy.
Eki kún boıy júrgizilgen izdestirý nátıjesinde joǵalǵandar tabylyp, alǵashqy medıtsınalyq kómek kórsetildi. Qazir olar týystaryna aman-esen tabystaldy.
Buǵan deıin Qostanaı oblysynda polıtseıler baqshasynda qarasora ósirgen turǵyndy qolǵa túsirgenin habarlaǵan edik.