Ulytaý oblysynda patronat ata-ana 4 balaǵa qul retinde mal baqqyzyp kelgen
ASTANA. KAZINFORM – Іshki ister mınıstrligi Ákimshilik polıtsııa komıtetiniń tóraǵasy Qaısar Sultanbaev Senatta ótip jatqan dóńgelek ústelde patronattyq tárbıege alynǵan balalardyń jaǵdaıyn qadaǵalaıtyn organdardyń jumysyn synady.
«Qorǵanshylyq jáne qamqorshylyq organdarynyń qyzmetine de qatysty máseleler bar», - degen komıtet basshysy ol sózine naqty mysal keltirdi.
«Bıyldyń ózinde Ulytaý oblysynyń qystaýynda Jezqazǵan qalasynan 30 shaqyrym jerde zorlyq-zombylyq pen jaza qoldaný arqyly balalarǵa mal baqqyzý faktisi anyqtaldy. Bul balalar 2018 jyldyń qańtaryna deıin qıyn ómirlik jaǵdaıdaǵy qoldaý ortalyǵynda bolǵan. Olardy patronat ata-analar alyp ketken. Jalpy aıtqanda, 4 balany alyp ketip, olarǵa qul retinde mal baqtyryp otyrǵan ǵoı. Oǵan eshkim qaramaǵan. Balalar patronattyq tárbıede bolǵan 6 jyldyń ishinde bul otbasyny qorǵanshylyq jáne qamqorshylyq bólimderi teksermegen. Bul rette patronat balany tárbıeleý men kútip baǵýdy baqylaýdy qorǵanshylyq jáne qamqorshylyq organdary 6 aıda keminde bir ret tekserý kerek edi. Bul Oqý-aǵartý mınıstrligi tarapynan vedomstvolyq baǵynysty uıymdardyń qyzmetine baqylaý joqtyǵyn kórsetedi», - dedi Qaısar Sultanbaev.
