Ulytaý oblysynda qutqarýshylar eki avtokólikti qar qursaýynan alyp shyqty

ASTANA. KAZINFORM — TJM Ulytaý oblysynda qutqarýshylar eki avtokólikti qar qursaýynan alyp shyqqanyn málimdedi.

Derekke qaraǵanda, búgin Ulytaý oblysynyń 112 qyzmetine adamdar otyrǵan eki avtokólik qar qursaýynda qalyp, óz betinshe shyǵa almaı qalǵany týraly habarlama túsken.

- Qutqarýshylar Jezqazǵan qalasynan 15 shaqyrym jerge dereý jolǵa shyqty.

Jeńil kólikter joldyń tazartylǵan bóligine súıretildi. Qutqarylǵandarǵa medıtsınalyq kómek qajet bolmady, - dep jazdy vedomstvonyń baspasóz qyzmetinen.

TJM aýa-raıynyń qolaısyzdyǵynda tek úlken joldar men tas joldarmen júrý kerek ekenin eske salady.

Aıta keteıik, búgin elordada jáne 14 óńirde kún raıyna baılanysty eskertý jasaldy.