Ulytaý oblysynda quny 6 mln dollar bolatyn krıptovalıýtaǵa tyıym salyndy
ASTANA. KAZINFORM — Qaýipsizdik keńesiniń otyrysynda Qasym-Jomart Kemeluly Toqaev kúmándi qarjy aǵyndary quqyq qorǵaý organdarynyń nazarynan tys qalmas úshin olardy baqylaý qajettiligine nazar aýdardy.
Bas prokýror Berik Asylovtyń málimetinshe osy jumys aıasynda «aqsha izine túsý»qaǵıdaty boıynsha esirtki bıznesin uıymdastyrýshylardyń múlki men tsıfrlyq aktıvterin alyp qoıýdyń jańa ádistemesi ázirlendi.
— Arnaıy prokýrorlar osy ádistemeni qoldana otyryp, bes óńirde 9 mıllıardtan astam teńge bolǵan qylmystyq isterdi tergep-tekserip jatyr. Aqtaý men Shymkentte uıymdasqan qylmystyq toptyń 9 múshesi 2,3 mıllıard teńgeni (1,2 mıllıard qolma-qol aqsha jáne 1,1 mıllıard bank shottarynda) qolma-qol aqshaǵa aınaldyrý kezinde ustalyp, iri kólemde esirtki alyndy, — dedi Berik Asylov.
Ulytaý oblysynda quny 6 mıllıon dollar bolatyn krıptovalıýtaǵa tyıym salyndy.
— Astanada birneshe esirtki dúkenderi jumys jasaýynyń jolyn kesip, quny 3,8 mıllıon dollar (88 ámııan) turatyn krıptovalıýtany tyıym salýsharalary qolǵa alyndy. Shetelde jasyrynǵan uıymdastyrýshylar ustaldy.
Shymkentte arnaıy prokýrorlar AQSh-tyń Esirtkige qarsy kúres basqarmasynyń iri esirtki dúkeni boıynsha qyzmetkerleriniń kómegimen onyń sheteldik aǵyndaryn, sonyń ishinde krıptovalıýtany jyldam qadaǵalap, 70 mıllıard teńgege 500 myń tranzaktsııasyn anyqtady, 2 astyrtyn zerthanany joıyp, 24 qatysýshyny qamaýǵa aldy, — dedi ol.
UQK men polıtsııa qyzmetkerleri krıptovalıýtada 12 mıllıon dollar bolatyn osyndaı isti tergep-tekserip jatyr.
— Barlyq esirtki saýdasy ınternette jalǵan shottardy, krıptovalıýtalardy jáne P2P tólemderin paıdalana otyryp júzege asyrylatynyn eskere otyryp, esirtki qylmysyna qarsy kúreste IT-tehnologııalar qoldanylady.
Esirtkige qatysty barlyq qylmystyq ister boıynsha «dropper» tranzaktsııalaryn buǵattaý algorıtmi jumys isteıdi.
Jyl basynan beri quny 2,3 mlrd teńge bolatyn 85 myńnan astam kartaǵa tyıym salyndy. Jalpy alǵanda, arnaıy prokýrorlardyń isterimen birge esirtki isteri boıynsha tyıym salynǵan aktıvterdiń somasy 11,5 mıllıard teńgeden asady, — dedi Bas prokýror.
Aıta ketelik bas prokýror óńirlerde esirtkige qarsy jańa jobalar júzege asyp jatqany týraly aıtqan edi.