Ulytaý oblysynda kúdiktiden 38 keli marıhýana tárkilendi
ASTANA. KAZINFORM – Ulytaý oblysynda esirtki jetkizýdiń óńiraralyq arnasy toqtatylyp, kúdiktiden 38 keli marıhýana, sondaı-aq qos uńǵyly myltyq pen oq-dáriler tárkilendi, dep habarlaıdy Polisia.kz.
Ulytaý oblysynda esirtki zattaryn zańsyz aınalymǵa jetkizýdiń óńiraralyq arnasynyń joly kesildi. Bul jumys «Qarasora – 2026» jedel-profılaktıkalyq is-sharasy aıasynda júrgizildi.
Ulytaý oblysy polıtsııa departamentiniń esirtki qylmysyna qarsy is-qımyl basqarmasynyń qyzmetkerleri júrgizgen jedel-izdestirý sharalary barysynda esirtki zattarynyń zańsyz aınalymyna qatysy bar degen kúdikpen óńir turǵyny ustaldy.
Tintý kezinde jalpy salmaǵy 38 keli marıhýana tárkilendi. Sonymen qatar qos uńǵyly myltyq pen oq-dáriler tabyldy. Aldyn ala málimet boıynsha esirtki zattary zańsyz aınalymǵa engizý maqsatynda elimizdiń ońtústik óńirlerinen Ulytaý oblysyna jetkizilgen.
– Kúdikti ýaqytsha ustaý ızolıatoryna qamaldy. Qazirgi ýaqytta sotqa deıingi tergeý júrgizilip jatyr. Tergeý barysynda esirtkiniń jetkizilý kózi, tasymaldaý joly jáne qylmysqa qatysy bolýy múmkin ózge de tulǵalar anyqtalady, – dedi Ulytaý oblysy PD bastyǵynyń birinshi orynbasary Erbol Qaırbekov.
Polıtsııa esirtki zattaryn zańsyz jetkizý jáne ótkizý arnalarynyń jolyn kesýge baǵyttalǵan jumystardy jalǵastyryp jatyr.
Eske sala ketsek, buǵan deıin esirtki saýdasyna qatysyp, Almatydan Aqtaýǵa ońaı tabys izdep kelgen qyz 7 jylǵa sottalǵanyn jazdyq.
Al Jetisý oblysynda esirtkini jarnamalaǵan turǵyn bas bostandyǵynan aıyryldy.
