Ulytaý oblysynda QR Memlekettik rámizderi kúnine oraı Memlekettik Tý kóterý rásimi ótti
JEZQAZǴAN. KAZINFORM - Búgin Jezqazǵan qalasynda QR Memlekettik rámizderi kúnine oraı Memlekettik Tý kóterý rásimi ótti.
Merekelik sharaǵa qala turǵyndary, eńbek ardagerleri, memlekettik mekeme ókilderi, jastar uıymdarynyń músheleri men qonaqtar qatysty.
Saltanatty jıyn poetıkalyq-kompozıtsııalyq qoıylymmen ashylyp, sahna tórinde ult rýhyn asqaqtatar kórkemsóz sheberleri ulttyq qundylyqtardy jyrǵa qosyp, týǵan elge degen súıispenshilikti kórkem beıneler arqyly jetkizdi.
Saltanatty rásimniń basty sáti – Memlekettik Tý shyǵarylyp, Qazaqstan Respýblıkasynyń Memlekettik Gımni oryndaldy. Gımndi fılarmonııa ártisi Nurjan Esmaǵanbet oryndap, jınalǵan jurttyń patrıottyq rýhyn kóterdi.
Shara barysynda Ulytaý oblysynyń ákimi Dastan Ryspekov pen oblys prokýrory Jasulan Elamanov jınalǵan qaýymdy merekemen quttyqtap, Memlekettik rámizderdiń el birligi men Táýelsizdiktiń basty nyshandary ekenin atap ótti.
Sonymen qatar, Ulytaý oblysy jastarynyń atynan sóz sóılegen oqýshylar bolashaq urpaqtyń eldik murat jolynda eńbek etýge ázir ekenin jetkizdi.
Aıta ketý kerek, aıtýly kúnge oraı Ulytaý oblysynyń qala jáne aýdandarynda Tý kóterý rásimderi, avtosherýler men patrıottyq chellendjder uıymdastyrylýda.