Ulytaý oblysynda qoı tuqymyn asyldandyrý jobasy júzege asyrylyp jatyr
JEZQAZǴAN. KAZINFORM - Oblystaǵy agrarlyq salany damytý baǵdarlamasy aıasynda 5 000 basqa arnalǵan qoı sharýashylyǵy jobasy júzege asyrylýda. Joba mal sharýashylyǵynda zamanaýı tehnologııalardy engizýge baǵyttalǵan.
Jobanyń negizgi maqsaty – jaıylymdyq resýrstardy tıimdi paıdalaný jáne qoı basynyń genetıkalyq áleýetin jaqsartýǵa negizdelgen turaqty ári básekege qabiletti sharýashylyq modelin qurý.
Qazirgi tańda 3 myńnan astam qoı satyp alynyp, aýyl sharýashylyǵy janýarlaryn sáıkestendirý jumystary júrgizilip jatyr. Veterınarııalyq qaýipsizdik máselelerine erekshe kóńil bólingen.
Jobany sátti júzege asyrý aımaqtyń agrarlyq salasynyń damýyna eleýli úles qosyp, óndiris kólemin arttyrýǵa jáne otandyq qoı sharýashylyǵynyń ishki jáne syrtqy naryqtaǵy básekege qabilettiligin nyǵaıtýǵa múmkindik beredi.