Ulytaý oblysynda Konstıtýtsııanyń 30 jyldyǵyna arnalǵan is-shara ótti
JEZQAZǴAN. KAZINFORM — Ulytaý oblysynda Qazaqstan Respýblıkasynyń Konstıtýtsııasynyń 30 jyldyq mereıtoıyna arnalǵan saltanatty is-shara ótti.
Shara barysynda óńirdiń áleýmettik-ekonomıkalyq damýyna úles qosyp júrgen birqatar azamattar memlekettik jáne vedomstvolyq marapattarǵa ıe boldy. Olardyń qatarynda «Qurmet» ordeni, «Eren eńbegi úshin» medali, «Qazaqstan Respýblıkasynyń Konstıtýtsııasyna — 30 jyl» merekelik medali, Ónerkásip jáne qurylys mınıstrliginiń Qurmet gramotasy men Alǵyshattary, sondaı-aq Ulytaý oblysynyń Qurmet gramotalary bar.
Marapattardy óńir ákimi Dastan Ryspekov tabystap, jınalǵan qaýymdy merekemen quttyqtady.
— «Konstıtýtsııamyz qabyldanǵan jyldar ishinde elimizdiń turaqty damýy men órkendeýine berik negiz boldy. Konstıtýtsııa qaǵıdattaryna súıene otyryp, Qazaqstan saıası turaqtylyqqa, áleýmettik-ekonomıkalyq órleýge qol jetkizdi. Búginde Ulytaý óńiri de osy ıgilikterden tys qalǵan joq. Oblysymyzda halyqtyń ál-aýqatyn arttyrýǵa, áleýmettik salany damytýǵa, jańa jumys oryndaryn ashýǵa baǵyttalǵan aýqymdy jobalar júzege asyrylýda», — dedi óńir basshysy.
Merekelik jıyn kontserttik baǵdarlamaǵa ulasyp, onda jergilikti ónerpazdar men qazaqstandyq estrada juldyzdary óner kórsetti.
