Ulytaý oblysynda konstıtýtsııalyq reforma máseleleri talqylandy
JEZQAZǴAN. KAZINFORM — Búgin óńir basshysy Dastan Ryspekovtiń tóraǵalyǵymen oblystyq aktıv otyrysy ótti.
Jıynda elimizde júzege asyrylyp jatqan konstıtýtsııalyq reformanyń negizgi baǵyttary talqylandy. Atap aıtqanda, Memleket basshysynyń bastamasymen ázirlengen jańa Konstıtýtsııa jobasy, onyń ashyq ári jarııa túrde talqylanǵany aıtyldy.
Konstıtýtsııalyq reforma Ádiletti Qazaqstan qaǵıdattaryna negizdelip, zań men tártip, adal azamat jáne taza qoǵam qundylyqtaryn nyǵaıtýǵa baǵyttalǵan. Jańa jobada bir palataly Parlament – Quryltaı modeli usynylyp, qoǵamdyq dıalogty kúsheıtetin jańa ınstıtýttardy engizý kózdelgen. Sondaı-aq Konstıtýtsııaǵa ózgerister tek referendým arqyly engiziletini belgilendi.
Otyrysta konstıtýtsııalyq reformany halyq arasynda keńinen túsindirýdiń mańyzdylyǵy atap ótildi. Osyǵan baılanysty oblys ákiminiń orynbasarlaryna, qala jáne aýdan ákimderine túsindirý jumystaryn kúsheıtý, aqparattyq keńistikte jalǵan aqparattyń aldyn alý jáne buqaralyq aqparat quraldarymen júıeli jumys júrgizý tapsyryldy.