Ulytaý oblysynda «Qazaqstannyń úzdik taýary» óńirlik kórme-baıqaýy ótti
JEZQAZǴAN.KAZINFORM - Ulytaý oblysynda otandyq óndiristi qoldaýǵa jáne jergilikti kásipkerlerdiń áleýetin tanytýǵa baǵyttalǵan «Qazaqstannyń úzdik taýary» óńirlik kórme-baıqaýy uıymdastyryldy. Aýqymdy sharaǵa óńirdiń 80-ge jýyq kásipkeri qatysyp, óz ónimderin kópshilik nazaryna usyndy.
Kórmede nan jáne kondıterlik ónimder, et jáne sút ónimderi, jartylaı fabrıkattar, toqyma buıymdary, bylǵary, kıiz jáne kúmisten jasalǵan qolóner týyndylary, ulttyq kıimder men halyq tutynatyn túrli taýarlar qoıyldy.
Іs-shara Ulytaý oblysy ákimdigi men «Atameken» Ulttyq kásipkerler palatasynyń Ulytaý oblystyq fılıalynyń uıymdastyrýymen ótti.
Kórmeni aralaǵan oblys ákimi Dastan Ryspekov óńirde kásipkerlikti damytýǵa erekshe kóńil bólinip otyrǵanyn atap ótti.
Baıqaý qorytyndysy boıynsha óńirdiń 9 kásipkerlik sýbektisi arnaıy nomınatsııalar boıynsha jeńimpaz atanyp, marapattar men arnaıy syılyqtarǵa ıe boldy.
Aldaǵy 2026 jylǵy 21 shildede jartylaı fınalıster óńirlik brend-komıtet aldynda óz bıznes-ıdeıalaryn qorǵaıdy. Іrikteý nátıjesinde úzdik 10 joba anyqtalyp, olar Ulytaý oblysynyń atynan respýblıkalyq deńgeıdegi kórme-jármeńkege qatysady. Sonymen qatar fınalıster kásipterin damytýǵa arnalǵan 5 mıllıon teńge kólemindegi grantqa úmitker bolý múmkindigine ıe bolady.
Atalǵan baıqaý jergilikti óndiristi damytýǵa, óńirlik brendterdi qalyptastyrýǵa jáne kásipkerlerdiń jańa naryqtarǵa shyǵýyna jol ashatyn mańyzdy alań bolyp tabylady.
