Ulytaý oblysynda Qazaqstan TJM birinshi avıatsııalyq jasaǵy paıdalanýǵa berildi
JEZQAZǴAN. KAZINFORM – Ulytaý oblysynda Qazaqstan TJM birinshi avıatsııalyq jasaǵynyń jáne avıatsııalyq tehnıkany ornalastyrý jáne olarǵa qyzmet kórsetýge arnalǵan mamandandyrylǵan ushaqjaıdyń ashylýy ótti. Bul týraly Tótenshe jaǵdaılar mınıstrligi habarlady.
Saltanatty rásimge Tótenshe jaǵdaılar mınıstri, general-leıtenant Shyńǵys Árinov, sondaı-aq Ulytaý oblysynyń ákimi Dastan Ryspekov qatysty.
Jobany iske asyrý Memleket basshysynyń qoldaýymen qamtamasyz etildi. 2024 jyly TJM áýe parki alty tikushaq jáne úsh ushaqpen tolyqty.
TJM basshysynyń aıtýy boıynsha, jyl sońyna deıin taǵy bir avıatsııa tehnıkasy jetkiziledi dep josparlanǵan. Bul sharalar el óńirlerinde 20 avıatsııalyq qutqarý jasaǵyn qurýǵa jáne tótenshe jaǵdaılarǵa den qoıýdyń jedeldigin arttyrýǵa baǵyttalǵan.
Jańa ushaqjaı personaldyń zamanaýı talaptaryna sáıkes turǵyzylǵan jáne áýe kemelerine tolyq tehnıkalyq qyzmet kórsetý quraldarymen jabdyqtalǵan. Ulytaý TJM-nyń alǵashqy avıatsııalyq ortalyǵy boldy. Osyǵan uqsas nysandardy salý jumystary 19 óńirde jalǵasyp jatyr.
Aıta keteıik, joba bıýdjet qarajatyn paıdalanbaı, tolyqtaı «Qazaqmys» kompanııasynyń demeýshilik qoldaýy esebinen júzege asyryldy.
Aıta keteıik, TJM avıatsııalyq parki kez kelgen aýmaqqa qona alatyn ushaqpen tolyqty.
