Ulytaý oblysynda qaıtarylǵan aktıvter qarajaty esebinen 7 densaýlyq saqtaý nysany salyndy

ASTANA. KAZINFORM — Prezıdent tapsyrmasy boıynsha Ulytaý oblysynda qaıtarylǵan aktıvter qarajaty esebinen 7 densaýlyq saqtaý nysany boı kóterdi. Bul týraly Úkimettiń baspasóz qyzmeti habarlady. 

Prezıdent Qasym-Jomart Toqaev Ulytaý óńiriniń áleýmettik-ekonomıkalyq damýyna erekshe mán berip otyr. Oblysta azamattardyń ómir súrý sapasyn jaqsartýǵa baǵyttalǵan jobalar belsendi túrde júzege asyrylyp jatyr.

Máselen, Memleket basshysynyń tapsyrmasymen densaýlyq saqtaý nysandary qurylysyna Arnaýly memlekettik qordan 880 mln teńge bólindi.

Zańsyz ıemdenilgen aktıvterden túsken qarajat «Aýylda densaýlyq saqtaýdy jańǵyrtý» ulttyq jobasy aıasynda Ulytaý jáne Jańaarqa aýdandarynda alǵashqy medıtsınalyq-sanıtarııalyq kómek kórsetetin 7 nysannyń qurylysyna jumsaldy.

Atap aıtqanda, Aqtúbek jáne Keńgir aýyldarynda jańa eki dárigerlik ambýlatorııa bóı kóterdi. Sondaı-aq Betbulaq, Pıoner, Qorǵasyn, Aınabulaq jáne Egindi aýyldarynda bes medıtsınalyq pýnkt salynyp jatyr.

Nysandardy jyl sońyna deıin paıdalanýǵa berý josparlanǵan.

Atalǵan jobalardy júzege asyrý aýyl turǵyndarynyń medıtsınalyq kómekke qoljetimdiligin jaqsartady jáne Ulytaý óńirindegi densaýlyq saqtaý júıesin nyǵaıtýǵa mańyzdy qadam bolmaq. 

Aıta ketelik Aqmola oblysynda sýmen jabdyqtaý jelilerin salýǵa zańsyz aktıvter esebinen 21,5 mlrd teńge bólindi.