Ulytaý oblysynda qar qursaýynan 11 adam qutqaryldy

ASTANA. KAZINFORM – Jańaarqa aýdanynda Jańaarqa aýylynan 40 shaqyrym jerde «Qaraǵandy-Samarka-Atasý-Aınabulaq» avtojolynyń jabyq ýchaskesinde adamdar mingen 2 jeńil kólik qar qursaýynda qalyp qoıǵan. Bul týraly TMB baspasóz qyzmeti habarlady.

TJM qutqarýshylary boranda, qalyń qarly joldy eńsere otyryp, birneshe ondaǵan shaqyrymdy júrip ótip, Jańaarqa kentine 11 adamdy, onyń ishinde 6 balany qutqaryp, jetkizdi.

Qutqarylǵandar medıtsınalyq kómekke muqtaj bolmady. 

Sonymen qatar Qaraǵandy oblysynda qar qursaýynan 5 adam qutqaryldy.

Abaı aýdanynda Aqbastaý aýylynan 5 shaqyrym jerde qar qursaýynda 3 jeńil kólik turyp qalǵan. Qutqarýshylar olarǵa jetip, Aqbastaý aýylyna 5 adamdy, onyń ishinde 1 balany jetkizdi. Olar da medıtsınalyq kómekke muqtaj bolmaǵan.