Ulytaý oblysynda etnomádenı birlestikterge grant beriledi

JEZQAZǴAN. KAZINFORM – Ulytaý oblysynda Qazaqstan Halqy Assambleıasynyń 30 jyldyǵy men 1 naýryz - Alǵys aıtý kúnine oraı is-shara ótti.

Ұлытау облысында этномәдени білестіктерге грант беріледі
Фото: Ұлытау облысы әкімдігі

Saltanatty jıynda Ulytaý oblysynyń ákimi, óńirdegi QHA tóraǵasy Dastan Ryspekov Memleket basshysynyń quttyqtaý hatyn oqyp, tatýlyq pen berekeniń úlgisi bolyp júrgen azamattarǵa shyn júrekten alǵys bildirdi.

«Ultymyzdyń qonaqjaılyǵy men etnomádenı birlestikterdiń ózara syılastyǵynyń, baýyrmaldyǵynyń arqasynda búginde bolashaqqa nyq qadam basyp kelemiz. Assambleıanyń 30 jyldyǵy aıasynda bıyl oblysta etnomádenı bilestikterdi yntalandyrý maqsatynda granttyq qarjylandyrý josparlanýda. Alǵys aıtý kúniniń qarsańynda barshańyzǵa oblysymyzdyń damýy jolynda atqaryp júrgen eńbekterińiz úshin rahmetimdi aıtyp, otbasylaryńyzǵa amandyq tileımin», - dedi óńir basshysy.

Jıynda Ulytaý oblysynyń birqatar azamaty qaıyrymdylyq pen meıirimdilik isine zor úles qosqany úshin óńir basshysynyń qolynan marapatty boldy.

Sonymen qatar, is-shara qonaqtarynyń nazaryna óńirdegi etnomádenı birlestikterdiń ádet-ǵurpyn, shyǵarmashylyǵyn dáripteıtin kórme usynyldy.

Aıta ketý kerek, sanaq boıynsha oblys halqynyń 24.4%-yn ózge etnos ókilderi quraıdy. Ulytaý oblysy qurylǵan sátten bastap, 8 etnomádenı birlestik tirkelip, óńirimizdiń ıgi isterin atqarýǵa úlken úlesterin qosyp keledi.

Eske salaıyq, buǵan deıin Alǵys aıtý kúni álem elderinde qalaı toılanatynyn jazdyq.

Сейчас читают