Ulytaý oblysynda taǵy eki vedomstvo basshysy taǵaıyndaldy
JEZQAZǴAN. KAZINFORM — Ulytaý oblysynda jumyspen qamtýdy úılestirý jáne áleýmettik baǵdarlamalar basqarmasynyń basshysy men Qazynashylyq departamentiniń bastyǵy taǵaıyndaldy.
Qazynashylyq departamentiniń bastyǵy laýazymyn Ádilbek Esqaraev atqaratyn boldy.
Ádilbek Taıjanuly Esqaraev 1972 jyly dúnıege kelgen. Qazaq memlekettik ýnıversıtetin «Býhgalterlik esep jáne aýdıtorlik» jáne Bolashaq ýnıversıtetin «Quqyqtaný» mamandyǵy boıynsha bitirgen.
1994-2008 jyldar aralyǵynda Qyzylorda oblystyq salyq ınspektsııasynda jáne qazynashylyq basqarmasynda qyzmet atqardy.
2008 jyldan bastap Qyzylorda oblysy boıynsha Qazynashylyq departamenti basshynyń orynbasary boldy.
Sonymen qatar, Ulytaý oblysynda Jumyspen qamtýdy úılestirý jáne áleýmettik baǵdarlamalar basqarmasynyń basshysy bolyp Qurmet Sattybaev taǵaıyndaldy.
Qurmet Esmuratuly Sattybaev 1993 jyly dúnıege kelgen. Qaraǵandy memlekettik medıtsına ýnıversıtetin «Qoǵamdyq densaýlyq saqtaý» jáne Almaty ekonomıka jáne statıstıka akademııasyn «Býhgalterlik esep jáne aýdıt» mamandyǵy boıynsha bitirgen.
Eńbek jolyn 2014 jyly Qaraǵandy qalasyndaǵy «Eńbek gıgıenasy jáne kásiptik aýrýlar ulttyq ortalyǵy» respýblıkalyq mekemesinde zertteýshi bolyp bastady.
2015-2017 jyldary Qaraǵandy oblystyq jedel medıtsınalyq járdem stantsııasynda bólim meńgerýshisi.
2017-2020 jyldary Aqmola oblysy boıynsha Eńbek, áleýmettik qorǵaý jáne kóshi-qon komıteti Departamentinde jaýapty qyzmetter atqardy.
2020-2022 jyldary Eńbek jáne halyqty áleýmettik qorǵaý mınıstrliginde bas sarapshy boldy.
Atalǵan laýazymǵa taǵaıyndalmas buryn basqarma basshysynyń orynbasary bolyp jumys istedi.
Osyǵan deıin Ulytaý oblysynyń Dene shynyqtyrý jáne sport basqarmasyna Marat Aıdashev taǵaıyndalǵany jaıly jazǵan bolatynbyz.