Ulytaý oblysynda droperlerden qomaqty qarjy tárkilendi

JEZQAZǴAN. KAZINFORM - Qazirgi ýaqytta qylmyskerlerdiń «dropperlerdi» qylmystyq maqsatta paıdalanatyn alaıaqtyq faktileri jıiledi, dep habarlaıdy Ulytaý oblysynyń prokýratýrasy.

Ondaǵy málimetterge qaraǵanda, «Dropperler» zańsyz jolmen alynǵan aqshany alaıaqtarǵa óz shottary arqyly aýdarady nemese bank kartalaryn beredi, osylaısha naǵyz qylmyskerlerdiń izderi jasyrylady.

Prokýratýranyń úılestirýimen polıtsııa organdary jábirlenýshilerge Azamattyq kodekstiń 953-babyna sáıkes «dropperlerden» negizsiz baıýǵa baılanysty alynǵan aqsha qarajatyn óndirip alý mehanızmin túsindirýde.

- Mysaly, alaıaqtar aldaý arqyly jábirlenýshiniń 26 mln teńge somasyndaǵy aqshalaı qarajatyn ıemdengen. Onyń 15,4 mln teńge somasyndaǵy bir bóligi «dropperdiń» shotyna aýdarylǵany anyqtaldy. Jábirlenýshi Azamattyq kodekstiń 953-baby tártibinde negizsiz baılyqty «dropperden» óndirip alý týraly talap aryzben sotqa júgindi. Sot qaraýynyń nátıjesi boıynsha jábirlenýshiniń talap-aryzy qanaǵattandyryldy, - delingen habarlamada.

Sondaı-aq onda ótken jyly oblysta sot 69 mln teńge somasyna 42 talap-aryzdy qanaǵattandyrylǵany aıtylǵan. Bıyl sot 28,3 mln teńge somasyna 13 talap-aryzdy qanaǵattandyrdy.

- «Dropperlerdiń» alaıaqtyqqa qatysy bar ekeni anyqtalsa, olar sybaılas retinde qylmystyq jaýaptylyqqa tartylady. Ulytaý oblysynyń prokýratýrasy azamattarǵa ońaı tabys tabý týraly usynystardan saq bolýdy, jeke derekterdi bermeýdi jáne mundaı shemalarǵa qatysýdan bas tartýdy usynady, - delinen habarlamada.

Osyǵan deıin Shymkent turǵyny vırtýaldy nómirlerdi paıdalanyp alaıaqtyqpen aınalysqany týraly jazdyq.