Ulytaý oblysynda dalada qalǵan úsh jergilikti turǵyn qutqaryldy

ASTANA. KAZINFORM - Búgin keshke Tótenshe jaǵdaılar mınıstrliginiń qutqarýshylary Jezqazǵannan 40 shaqyrym jerde dalada turyp qalǵan Talap aýylynyń úsh turǵynyn evakýatsııalady.

Belgili bolǵandaı, olar kúndiz kólikpen mal izdeýge attanyp, biraq kólikteri buzylyp, qaıta orala almaı qalǵan.

- 112 qyzmetine bolǵan jaıtty habarlap, fermerler kómekke júgindi. Zardap shekkender eldi mekenge aman-esen jetkizildi. Olarǵa medıtsınalyq kómek qajet emes edi, - delingen habarlamada.

Osyǵan deıin bir kúnde úsh kólik janǵany týraly habarladyq. Osyǵan baılanysty TJM el turǵyndaryna eskertý jasady.