Ulytaý oblysynda bıyl qaıtarylǵan aktıvter esebinen 11 nysan salynady

ASTANA. KAZINFORM — Ulytaý oblysynda qaıtarylǵan aktıvter esebinen birqatar nysandar salynyp jatyr.

Arnaıy qorǵa bólingen qarajattan óńirge 4 mıllıard teńgeden astam qarjy baǵyttaldy.

— Bas prokýratýra janyndaǵy Aktıvterdi qaıtarý komıteti memleketke qomaqty qarajatty, onyń ishinde shetelden de, qaıtaryp jatyr. Bul qarajattar 2025 jyly paıdalanýǵa berilýi josparlanǵan 11 mańyzdy nysandy salýǵa baǵyttaldy, — dedi Ulytaý oblysy prokýrorynyń birinshi orynbasary Qýanysh Rahmetov.

Aıta keteıik, qaıtarylǵan aktıvter esebinen Aqmola oblysynyń 10 aýylynda jańa medıtsınalyq nysandar salynady.