Ulytaý oblysynda bank menedjeri turǵyndardy aldap, aqsha jymqyrǵan
ASTANA. KAZINFORM — Ulytaý oblysynda bank menedjeri saqtandyrý tólemderin rásimdeý syltaýymen aqsha jymqyrǵany úshin sottaldy.
Ekinshi deńgeıli bankterdiń qyzmettik tekserý materıaldaryn zerdeleý barysynda Ulytaý oblysynyń prokýratýrasy bank qyzmetkeriniń aqsha jymqyrý faktisin anyqtady.
Anyqtalǵandaı, bank menedjeri qyzmettik jaǵdaıyn paıdalanyp, azamattardy aldaý arqyly saqtandyrý ótemaqysyn rásimdeý jáne tóleý syltaýymen óńir turǵyndarynyń aqshalaı qarajatyn ıemdengen.
Quqyqqa qaıshy áreketterdiń saldarynan Ulytaý oblysynyń úsh turǵyny zardap shekken. Keltirilgen jalpy shyǵyn kólemi shamamen 200 000 teńgeni boldy.
Kináli tulǵaǵa qatysty sottyń aıyptaý úkimi shyǵaryldy.
Aıta keteıik, Pavlodarda jıhaz jasaýǵa tapsyrys qabyldap, turǵyndardy 12 mln teńgege aldaǵan 39 jastaǵy er adam bas bostandyǵynan aıyryldy.
