Ulytaý oblysynda aýtızm ortalyǵy jumysyn bastady
JEZQAZǴAN. KAZINFORM — Jezqazǵan qalasynda 1 tamyzdan bastap, aýtıstıkalyq spektrdegi buzylystary bar balalardy qoldaý ortalyǵy (autism) KMM óz jumysyn bastady, dep habarlaıdy Ulytaý oblysy ákimdiginiń baspasóz qyzmeti.
Jańa ortalyq jylyna 100 balany qamtýǵa múmkindik beredi, al balalarmen 8 klınıkalyq pedagog, Bolat Ótemuratuly qorynyń Asyl Mıras ortalyǵynan arnaýly oqytý, ádistemelik kýrsynan ótken mamandar jumys isteıdi.
Ortalyqta QR Oqý-aǵartý mınıstrligi tujyrymdamasy boıynsha 6 kabınet jumys isteıdi. Olar erte qoldaý kabıneti, oqytý daǵdylaryn damytý, áleýmettik jáne sóıleý daǵdylaryn damytý, ómirlik daǵdylardy damytý, ata-analardy qoldaý men sensorly, oıyn bólmeleri jabdyqtalǵan.
Aýtızm ortalyǵyna PMPK qorytyndysy boıynsha «Qarym-qatynas pen áleýmettik ózara árekettestiktiń buzylýy» men «Qarym-qatynas pen áleýmettik ózara árekettestiktiń qıyndyqtary» bar balalar qabyldanady.
Ortalyq Jezqazǵan qalasy Sátbaev kóshesi 62 mekenjaıyndaǵy ǵımarattyń 2-qabatynda ornalasqan.