Ulytaý oblysynda alty jumysshy konveıermen birge qulap ketti

Ulytaý oblysyndaǵy «Jylandy» kenishinde jazataıym oqıǵa boldy. Saldarynan alty adam zardap shekti, dep habarlaıdy Kazinform tilshisi.

Oqys oqıǵa 24 qazan kúni «Qazaqmys» kompanııasyna qarasty «Jylandy» kenishinde bolǵan.

Ekinshi aýysym bastalǵanda konveıerlik ýchaske bastyǵy 6 qyzmetkerden turatyn brıgadaǵa «Staker» jetek barabanyn apattyq jóndeý jóninde jazbasha nusqaý bergen.

«Stakerdiń» taspaly konveıeriniń rolıkterin tekserý kezinde jumysshylar Staker alańymen birge ken úıindisine qulady. Búkil alty qyzmetker Jezqazǵan qalasynyń medıtsına ortalyǵyna jetkizildi» dep málimdedi «Qazaqmys» kompanııasynyń baspasóz qyzmeti.

Búgingi tańda 2 qyzmetker travmatologııa bóliminde jatyr.

Naýqastardyń jaǵdaıy birqalypty, aýyrlyq dárejesi belgilenýde. Qalǵan tórt qyzmetker turǵylyqty jeri boıynsha ambýlatorlyq emdelýge jiberiledi.

Oqıǵanyń sebepteri anyqtalyp jatyr.