Ulytaý oblysynda alıment tólemeı, býkmekerlik keńsege aqsha jumsaǵan 22 adam ustaldy
ASTANA.KAZINFORM - Ulytaý oblysynyń prokýratýrasy balalardyń quqyqtaryn qorǵaý jáne alıment boıynsha bereshekti óndirip alý baǵytynda júıeli jumys júrgizip jatqanyn habarlady.
Tekserý barysynda balalarynyń aldyndaǵy bereshegi bola tura, býkmekerlik platformalarda aqsha jumsaýdy jalǵastyrǵan 22 boryshker anyqtaldy. Atalǵan tulǵalar ata-analyq mindetterin oryndamaı, alıment boıynsha qaryzy bola tura, oıyn shottaryn tolyqtyryp, bás tikken jáne utystar alǵan.
Mysaly, alıment boıynsha 3,9 mln teńge bereshegi bar boryshkerlerdiń biri 2020 jyldan bastap býkmekerlik keńsede tirkelgen. Osy kezeńde ol jeke shotyn 4,6 mln teńgege tolyqtyryp, 3,1 mln teńge kóleminde utys alǵan. Alaıda bul qarajat balalaryn asyraýǵa baǵyttalmaǵan.
Atalǵan fakti boıynsha Qylmystyq kodekstiń 139-baby boıynsha, ıaǵnı balalardy kútip-baǵýǵa arnalǵan qarajatty tóleýden jaltarý deregimen sotqa deıingi tergep-tekserýler bastaldy.
Ulytaý oblysynyń prokýratýrasy eskertedi: balalardy asyraý – zańmen júktelgen tikeleı mindet. Tabysty jasyrý, alıment tóleýden jaltarý nemese qarajatty balalardyń múddesine qaıshy jumsaý zańda kózdelgen jaýaptylyqqa ákep soǵady.
Aıta keteıik, Jambyl oblysynda alıment tólemegen turǵynnyń bas bostandyǵy shekteldi.
Shymkentte alıment tólemegen 31 adam qylmystyq jaýapqa tartyldy.
Ata-ana balasynan alıment óndire alady. Ol úshin ózi de jas kezinde balasyna qamqor bolýy tıis. Іs Neke jáne otbasy týraly kodeks aıasynda qaralady. Sot sheshim shyǵarǵan kezde tek qarııalardyń emes, kámeletke tolǵan balalardyń da áleýmettik jaǵdaıyn eskeredi. Kazinform tilshisi sot isteri men talaptar ýájin tyńdady.
