Ulytaý oblysynda alǵash ret Jas qutqarýshylardyń kadet synyby ashyldy

Jańa jyl merekesi qarsańynda Ulytaý oblysy Sátbaev qalasyndaǵy «Baýyrjan Momyshuly atyndaǵy mektep gımnazııasy» KMM 5 synyp oqýshylaryna arnalǵan «Aıbyn» atty eń alǵashqy kadet synybynyń saltanatty ashylý rásimi ótti, dep habarlaıdy Kazinform. 

Іs-sharaǵa Sátbaev qalasy bilim bóliminiń basshysy, Sátbaev qalasy Tótenshe jaǵdaılar bólimi bastyǵynyń mindetin atqarýshy, azamattyq qorǵaý organynyń qyzmetkerleri qatysty.

Basqosý barysynda Sátbaev qalasy Tótenshe jaǵdaılar bólimi bastyǵynyń mindetin atqarýshy oqýshylardy quttyqtap, jas qutqarýshylardyń boıynda joǵary patrıottyq sanany qalyptastyrý, azamattyq boryshyn jáne Otandy qorǵaý jónindegi konstıtýtsııalyq mindetterdi oryndaýǵa daıyndyǵy boıynsha barlyq kúsh-jigeri úshin muǵalimderge alǵysyn bildirdi. Sondaı-aq ant qabyldaǵan oqýshylarǵa kadet kýáligin tabystady. 

Atalmysh is-shara saltanatty sherý men kontserttik baǵdarlamaǵa ulasty.