Ulytaý oblysynda áleýmettik osal toptaǵy 3000-nan astam oqýshyǵa qarjylaı kómek beriledi

ULYTAÝ. KAZINFORM – Birrettik qarajat balalardy mektepke daıyndaý maqsatynda halyqtyń áleýmettik osal top sanatyndaǵy oqýshylarǵa kıim keshek, keńse taýarlaryn satyp alý úshin tamyz aıynan bastap tólene bastaıdy. 

Sonymen qatar 1 tamyzdan bastap az qamtylǵan jáne kóp balaly otbasylar qataryndaǵy oqýshylarǵa, jetim balalar men ata-anasynyń qamqorlyǵynsyz qalǵan balalarǵa oqý jylynyń bastalýyna daıyndyq kezeńinde kómek kórsetý maqsatynda dástúrli «Mektepke jol» respýblıkalyq aktsııasy bastalady.

Jańa oqý jylyna daıyndyq retinde bıyl oblystyń 7 mektebinde kúrdeli, 2 bilim oshaǵynda aǵymdaǵy jóndeý jumystary atqarylyp jatyr. Oǵan qosa, 24 mektep 28 pándik kabınetterimen onyń ishinde fızıka-6, hımııa-6, bıologııa-5, STEM-6, robototehnıka-5 qamtamasyz etilýde.

Jylytý maýsymdyǵyna daıyndyq kezeńiniń jylý júıesindegi qysymdy qorytyndy synaý kezeńinen 100% ótkizilgen. Jylytý qazandyqtaryna otyn satyp alý jáne jetkizý boıynsha memlekettik satyp alý portalynda 63% mekeme kelisim-shart jasasty, 33% konkýrstyń nátıjesi endi belgili bolmaq.

Aıta keteıik, Ulytaý oblysyndaǵy bilim berý uıymdary 1 sáýirden bastap 31 tamyzǵa deıin 1 synypqa qujattar qabyldap jatyr. Boljam boıynsha 1 synypqa 4393 bala mektep tabaldyryǵyn attaǵaly otyr. Búgingi tańda 3112 (71%) oqýshy 1-synypqa qabyldandy. Onyń ishinde 2615 (84%) bala qazaq synyptarynda qabyldandy.