Ulytaý oblysynda 9 myńnan astam áıel bir rettik járdemaqy alady

JEZQAZǴAN. KAZINFORM – Halyqaralyq áıelder kúnine oraı Ulytaý oblysynda 9 165 áıelge bir rettik tólem taǵaıyndalady. Syılyqaqy mólsheri – 20 000 teńge.

Tólem Ulytaý oblysynyń «Altyn alqa», «Kúmis alqa» alqalarymen nagradtalǵan nemese buryn «Batyr ana» ataǵyn alǵan, I jáne II dárejeli «Ana dańqy» ordenderimen nagradtalǵan 2 711 anaǵa beriledi.

Sonymen qatar, tórt jáne odan kóp kámeletke tolmaǵan balasy, onyń ishinde on segiz jasqa tolǵan jalpy orta, tehnıkalyq jáne kásiptik, orta bilimnen keıingi, joǵary, joǵary oqý ornynan keıingi bilim berý uıymdarynda bilim alatyn balalary bar 6 454 kópbalaly otbasyǵa tólenedi.

- 8 Naýryz Halyqaralyq áıelder merekesine oraı bir ret beriletin áleýmettik tólemniń quny – 20 000 teńge. Aıta keteıik, bir rettik áleýmettik tólem QR Úkimetiniń 2023 jyl 30 maýsymdaǵy №523 qaýlysymen bekitilgen «Áleýmettik kómek kórsetýdiń, onyń mólsherlerin belgileýdiń jáne muqtaj azamattardyń jekelegen sanattarynyń tizbesin aıqyndaýdyń úlgilik qaǵıdalaryna» sáıkes jergilikti atqarýshy organdardyń sheshimimen beriledi, - dep málimdedi Ulytaý oblysynyń ákimdiginde.

Osyǵan deıin Shyǵys Qazaqstan oblysynda 8 naýryz – Halyqaralyq áıelder kúnine oraı birneshe sanattaǵy áıelderge 15 myń teńge kóleminde tólem beriletinin habarlaǵan bolatynbyz.