Ulytaý oblysynda 4 temirjol vokzaly qaıta jańǵyrtylady
ULYTAÝ. KAZINFORM — Qazaqstan Respýblıkasy Premer-mınıstriniń tapsyrmasyna sáıkes bıyl Ulytaý oblysyndaǵy Jezqazǵan, Qarajal, Jańaarqa jáne Qyzyljar stantsııalaryndaǵy 4 temirjol vokzalyn qaıta jańǵyrtý josparlanǵan.
Búgingi tańda Jezqazǵan qalasyndaǵy vokzal boıynsha «QTJ» UK» AQ men merdiger uıym arasynda temirjol vokzalyn rekonstrýktsııalaý jóninde kelisimshart jasaldy. Merdiger tarapynan tehnıka men mamandardy jumyldyrý jumystary bastaldy.
Aldaǵy ýaqytta qurylys-montaj jumystary bastalady. «QTJ» UK» AQ-nyń málimetinshe, jobada jolaýshylarǵa qajetti bólmeleri bar jańa vokzal ǵımaratyn salý kózdelgen.
Sonymen qatar, jolaýshylardyń júrip-turýyna qolaıly jaǵdaı jasaý maqsatynda galereıa salý jáne perrondy keńeıtý qarastyrylǵan.
Qarajal qalasy, Jańaarqa aýdany jáne Qyzyjar stantsııasyndaǵy vokzaldardy qaıta jańǵyrtý jumystary jalǵasyp jatyr.