Ulytaý oblysynda 300 páterli turǵyn úı keshenderiniń qurylysy bastaldy
JEZQAZǴAN. KAZINFORM — Búgin Jezqazǵan jáne Sátbaev qalalarynda jańa turǵyn úılerdiń irgetasyn qalaý rásimi ótti. Atalǵan nysandardyń qurylysyn «QazaqStroy» kompanııasy júzege asyrady.
Jańa turǵyn úı keshenderi qalalardyń qoldanystaǵy ınfraqurylymymen úılesimdi yqpaldastyrylyp, irgeles aýmaqtar keshendi túrde abattandyrylady.
Jezqazǵan qalasynda jalpy 240 páterge arnalǵan bes qabatty jeti turǵyn úı salynady. Onyń beseýi eki kireberisti, ekeýi bir kireberisti bolady. Barlyq úıler jertóle bólmelerimen jabdyqtalady.
Sátbaev qalasynda 60 páterli bes qabatty turǵyn úı boı kóteredi. Joba aıasynda aýla aýmaǵyn abattandyrý, balalarǵa arnalǵan oıyn jáne sport alańdaryn, avtoturaqtar men demalys oryndaryn, sondaı-aq kógaldandyrylǵan aýmaqtardy uıymdastyrý kózdelgen.
Turǵyn úılerdi jobalaý barysynda qaýipsizdik talaptaryna, energııa tıimdiligine jáne turǵyndar úshin qolaıly jaǵdaı jasaýǵa erekshe mán berildi.
Jańa nysandardy paıdalanýǵa berý 2027 jylǵa josparlanǵan.
